Elefantët përfitojnë nga vëllezërit e motrat më të mëdhenj

08:56 | 21 Shtator 2021

Një studim i elefantëve aziatikë gjysmë të robëruar në Mianmar ka gjetur se elefantët e vegjël përfitojnë nga motrat ose vëllezërit më të mëdhenjë.

Hulumtuesit në universitetet në Finlandë, Britani të Madhe dhe Mianmar kanë gjetur se vëllezërit dhe motrat elefantë aziatikë ndikojnë tek pasardhësit më të vegjël nga fillimi deri në jetën e vonë, shkruan Science, transmeton portal arbresh.info

Sipas studimit, elefantët e vegjël që rriten me motra dhe vëllezër, rriten më të fuqishëm dhe mbijetojnë më gjatë.

Tek elefantët femra, ato të rritura me motrat më të mëdha kishin mbijetesë më të lartë afatgjatë dhe u riprodhuan për herë të parë mesatarisht dy vjet më parë, në krahasim me ata me vëllezër më të mëdhenj. Riprodhimi në një moshë më të hershme shoqërohet përgjithësisht me më shumë pasardhës gjatë jetës së një elefanti.

Tek elefantët meshkuj, ata të rritur me motrat më të mëdha kishin mbijetesë më të ulët, por peshë më të madhe trupore, në krahasim me ata me vëllezër më të mëdhenj.

Dr. Verane Berger nga Universiteti Turku dhe autor kryesor i studimit tha se “hulumtimi ynë konfirmon se marrëdhëniet vëllazërore krijojnë jetën individuale, veçanërisht në speciet shoqërore, siç janë elefantët, ku sjelljet bashkëpunuese janë thelbësore për zhvillimin, mbijetesën dhe potencialin riprodhues”.

Pasojat afatgjata nga efektet e vëllait ose motrës nuk janë studiuar tek kafshët me jetë të gjatë. Një nga arsyet për këtë është se sfidat logjistike të studimeve në terren e bëjnë të vështirë hetimin e efekteve gjatë gjithë jetëgjatësisë së një kafshe.

Në këtë studim, studiuesit ishin në gjendje të kapërcenin këtë pengesë duke studiuar një popullatë elefantësh që mbahen robër nga qeveria e Mianmarit./arbresh.info/

Shpërndaje në rrjete sociale

Lajmet më të lexuara