Dega e shoqatës “Çamëria” në Fushë Kosovë, ka vazhduar me një sërë aktivitetesh me të rinjtë nga vendet e ndryshme të Kosovës të cilët iu janë bashkangjitur në vazhdimësi  kësaj shoqate, për të mbajtur gjallë frymën çame.

Ditë më parë, kjo shoqatë, ka zhvilluar takimin e radhës në të cilën janë anëtarësuar mbi 50 të rijnë.

Kryetari i shoqatës Çamëria, dega në Fushë Kosovë, Përparim Uka, së bashku me kryetaren e të rinjve të kësaj shoqate, Donjeta Morina u shpërndanë libreza anëtarësie të gjithë atyre që shprehën gatishmërinë për tu bërë pjesë e shoqatës.

Kryetari Uka, përveç tjerash, shprehi falënderim për të rinjtë të cilët sipas tij, janë bartësit kryesor të proceseve për të mbajtur frymën çame, simbol të shqiptarëve, brez pas brezi.

Gjithashtu, kjo shoqatë, përveç aktiviteteve të shumta në Kosovë, mban takime edhe me liderët e institucioneve të Shqipërisë. Së fundi  janë takuar me nënkryetarin e Parlamentit të Shqipërisë, Shpëtim Idrizi dhe deputeten Melisa Doda./arbresh.info