Pavarësisht që të gjithë kënaqemi duke i lexuar poetët e jashtëzakonshëm si Lasgushi, Mekuli, e Gjerqeku, është me vend të thuhet se Letërsia shqipe është e sigurt në duart e poetëve të rinj, shkruan arbresh.info.

Një nga poetet e reja është edhe Fjolla Gashi.

Ajo ka kryer  studimet në Fakultetin e Filologjisë në degën e Letërsisë shqipe duke u klasifikuar në radhët e më të mirëve.

Poetja tashme ka një vëllim poeti me titullin “Rruga e jetës”

Këto janë ca poezi të reja të saj

Kur të vish…

Është një vend ku shkrihet bora

Ku dielli ardhjen paralajmëron

Për ata sytë që s’i vrau koha

Ky shpirt pret e nuk harron.

Më janë mbushur sytë me kujtime

Në buzë është ngjitur fjala mall

Më kujtohen veç zhgënjime e harrime

Për t’renditur pytjen: pse vallë?

E n’mes dhimbjesh jehojnë shumë fjalë

Në të gjitha kujtimet po vdes një i gjallë

Që s’mbajti premtimin, s’doli në fjalë

Ka thanë vij, e nuk ka ardhë!

Veç mbramë

Mbramë tanë natën n’andërr t’kam pa

Kishe ardhë dashnisë me i pru selam

Mbarë e mbrapshtë e ke qëndisë

Veç mem thanë, mall po kam.

S’ta besoj atë mallin tand

S’ta besoj edhe pikë

Se kur m’u desh nji copë ngushëllim

Ke marrë plaçkat e ke ikë.

E tash njerëzia po kujtojnë

Se po t’pres me u kthy

Po kujtojnë e s’po besojnë

Se njimend e kam kry me ty.

/Arbresh.info/