Kryetari i Komunës së Prishtinës Perparim Rama ka pritur sot në takim tenorin shqiptar me famë ndërkombëtare Ramë Lahaj.

Në shenjë nderimi i pari i Prishtinës i ka dhuruar simbolin e Kryeqytetit Hyjneshën në fron.

“Në shenjë nderimi për kontributin e dhënë në promovimin e Prishtinës në arena ndërkombëtare, ngritjen e nivelit kulturor e artistik në Kryeqytet dhe në mbështetjen e artistëve të rinj të Prishtinës në zhvillimin e karrierës së tyre operistike, mikut tim të zemrës, z. Rame Lahaj, i dhuruam simbolin e Kryeqytetit, Hyjneshën në fron”, thuhet në një postim të Përparim Ramës në rrjetin social Facebook.

Në fund Rama bëri të ditur se festivali “Ramë Lahaj International Opera Festival” do të jetë i mirëseardhur në Kryeqytet

“Ramë, juve dhe festivalin tuaj, Rame Lahaj International Opera Festival, Kryeqyteti do të ju mirëpres gjithmonë”, tha Rama./arbresh.info/