Pas suksesit të madh që ka arritur ekspozita e nxënësve me titull: “New Urbanistic and Culture of Cohabitation in Kosovo“, në Bienalen e Venecias, fondacioni zviceran “Ibrahim Kodra”, në bashkëpunim me Qendrën Kulturore Evropiane, Fondacionin GAA, Muzeun e Kosovës, Shkollën e Artit Pamor “Adem Kastrati” nga Gjilani, SOS fshatrat dhe Asociacionin Nacional të Autizmit në Kosovë i mbështetur nga Ministria e Mjedisit dhe Planifikimit Hapësinor, Ministria e Punëve të Jashtme e Republikës së Kosovës, Ministria e Kulturës, Rinisë dhe Sportit etj,
pikturat e nxënësve nga Gjilani më 16 Janar 2019 ka ekspozuar në Galerinë e Artit në objektin e Parlamentit Evropian në Strasburg të Francës me titullin “Bashkëjetesa natyrore dhe kulturore në Kosovë”.

Pas kësaj nga data 1 Shkurt deri më datën 8 Shkurt 2019, këto punime do të prezantohen edhe në objektin e Ambasadës së Kosovës në Bern(Zvicër) si dhe në shtete tjera të Evropës dhe botës.

Këto fotografi dhe piktura të ekspozuara janë të vendosura rreth pikturës së famshme të Ibrahim Kodrës:”Piktura për Qytetin e Ri” ,një vepër e Artistit tonë të madh,e cila reflekton bashkëjetesën natyrore dhe kulturore në Kosovë.

Një falënderim i madh për nxënësit, për krijimtarinë e tyre dhe për fondacionin “Ibrahim Kodra” që po mundëson prezantimin e talenteve të të rinjve tonë në shtetet e Evropës dhe Botës.