Ministria e Kulturës Rinisë dhe Sportit ka marr vendim që ti ndalohet puna gurthyesit i cili ndodhet në afërsi të lokalitetit arkeologjik “Maja e Zezë” në Obiliq shkruan arbresh.info.

“Merret vendimi për pezullim të aktiviteteve të gurëthyesit në afërsi të lokalitetit arkeologjik “Maja e Zezë” në Obiliq”, thuhet në njoftim.

Kjo është bërë me kërkesë të vetë banorëve të fshatrave Sibofcë, Grabofc, Shipitullë dhe Palaj.

“Sipas kërkesës së banorëve të fshatrave Sibofc, Graboc, Shipitullë dhe Palaj që u adresua dhe inicua më pas nga Ministria e Kulturës, Rinisë dhe Sportit,  në bashkëpunim me Ministrinë e Mjedisit, Planifikimit Hapësinor, Infrastrukturës dhe Ministrinë e Ekonomisë, Komuna e Obiliqit ka marrë vendim për tërheqje të pëlqimit mjedisor të operatorit “SB CONSTRUCTION SH.P.K” për hulumtimin dhe shfrytëzimin e gurit në fshatin Graboc”, thuhet në njoftim.

Ndryshe “Maja e Zezë” është zonë e listuar në kategorinë e trashëgimisë arkeologjike, pikë stragjike dhe turistike dhe pas angazhimit të banorëve, Komisionit Parlamentar për Mjedis, Ministrisë së Kulturës dhe Ministrisë së Mjedisit kjo zonë do të mbrohet.

Ndërkaq, Departamenti i Mbrojtjes së Mjedisit dhe Ujërave në Ministrinë e Mjedisit ka filluar procedurën për tërheqje të pëlqimit mjedisor që i ka dhënë në vitin 2018 kompanisë SB CONSTRUCTION./arbresh.info/