Rrënimi i Teatrit Kombëtarë të Shqipërisë, është përcjellë me shumë shqetësime edhe nga Shoqata Sindikale e Teatrit Kombëtar të Kosovës.
Kështu është shprehur edhe nënkryetari i kësaj, Naim Berisha.

Ai në një intervistë dhënë për abresh.info thotë se pushteti shqiptarë ka rrënuar një burim historik, që sipas tij nuk ka për çfarë historie të flasë më.

“Teatri I Shqipërisë ka një histori më të bujshme sesa teatri I Kosovës. Për dyzet vjet diktaturë Enver Hoxha nuk arriti ta rrënoj, kurse arriti ta rrënoj Edi Rama për 20 vite orvatje intensive. Ai është një institucion historik dhe kulturor I vendit, vendet evropiane institucionet e tilla I ruajnë me fanatizëm. Askush nuk e ka ndal Edi Ramën që të ndërtoj një teatër tjetër, por këtë ta ruaj si institucion historik. Burimi historik është burimi material dhe kur burimin material historik e rrënon atëherë për çfarë historie po flet”, tha Berisha.

Si sindikatë e Teatrit të Kosovës, ai thotë se nuk mund ta bësojnë se ai objekt tashmë është rrënuar.

“Është një çështje që sindikata e Teatrit të Kosovës e ndjen me shpirt dhe të them të drejtën akoma nuk po besoj që aj teatër tashmë është rrënuar”, tha Berisha për arbresh.info

Historitë shqiptare Berisha thotë se po i rrënojmë vet me duart tona.

“Historinë tonë nëpër epoka nuk na e kanë rrënuar vetëm armiqtë, por e kemi rrënuar edhe vet, siç është edhe ky rast. Ndjesia për ato dy skena për mua është e papërsëritshme dhe fatkeqësisht ajo ndjesi sublime është në një ndjesi të dhimbjes”, tha Berisha./arbresh.info/