Vetaksident me fatalitet në Jabllanicë, vdes një person

17:05 | 21 Gusht 2025
E.H

Një person ka humbur jetën si pasoj e një vetaksidenti që ka ndodhur sot rreth orës 15:50 në Jabllanicë të Gjakovës.

Lajmin për Arbresh.info e ka konfirmuar Sheremet Elezaj zëdhënës i policisë për rajonin e Gjakovës.

Elezaj tha se deri tek vetaksidenti erdhi pasi viktima kishte humbur kontrollin mbi automjetin.

“Rreth orës 15:50 është raportuar aksident trafiku në fshatin Jabllanicë – Gjakovë. Policia ju ka përgjigjur rastit, ku ngasësi i një automjeti dyshohet të ketë humbur kontrollin mbi automjetin dhe është vet-aksidentuar. Për pasojë ngasësi (mashkull i moshës madhore) ka humbur jetën, vdekjen e të cilit e ka konstatuar ekipi mjekësor. Rasti është duke u trajtuar nga Njësia Rajonale e Komunikacionit Rrugor”, tha Elezaj./Arbresh.info