Stacioni i Policisë në Gjakovë pas një angazhimi të vazhdueshëm operativ dhe veprimeve hetimore, kanë arritur të lokalizojnë dhe arrestojnë dy persona,të kërkuar me urdhërarrest gjyqësor të cilët ndodheshin në arrati.

Të arrestuarit janë: L.K, mashkull 30 vjeç, i dënuar për veprat penale “Vjedhje e rëndë” dhe “Lëndim i lehtë trupor” me 1 vit e 8 muaj burgim, dhe L.M mashkull, 27 vjeçar , i dënuar për veprën penale “Vrasje në tentativë” me 3 vite burgim (përfshirë edhe periudhën e arrestit shtëpiak 6 muaj).

“Pas arrestimit të dy përsonat janë dërguar për vuajtje të denimit konform vendimeve gjyqësore. Drejtoria Rajonale e Policisë në Gjakovë mbetet e përkushtuar në zbatimin e ligjit dhe vazhdon angazhimin për kapjen e personave të kërkuar dhe garantimin e rendit dhe sigurisë publike”, thuhet në njoftim./Arbresh.info