Policia e Kosovës ka dhënë detaje lidhur me rastin e gjetjes së trupit të pajetë të një personi i cili ishte raportuar i zhdukur.

Sipas policisë, më 29.01.2025, familjarët raportuan në policinë rajonale të Ferizajt se B. V., i lindur në vitin 1987 (38-vjeçar), ishte larguar nga shtëpia më 22.01.2025 rreth orës 17:00, në fshatin Pleshinë e Ulët, dhe që nga ajo kohë nuk dihej asgjë për vendndodhjen e tij.

Pas hetimeve të ndërmarra, sot me 05.02.2025, rreth orës 12:00, në malet në mes të fshatrave Zaskok dhe Manastirc të Ferizajt, është gjetur një trup i pajetë, ku dyshohet së është i B. V, vdekja e tij është konstatuar nga mjekët e spitalit të Ferizajt.

“Pas veprimeve të hetuesve dhe ekspertëve krim-teknikë në vendin e ngjarjes, prokurori i rastit ka urdhëruar dërgimin e trupit për obduksion në Institutin e Mjekësisë Ligjore në Prishtinë”, thuhet në njoftim.

Bazuar në hetimet e zhvilluara, informacionet e siguruara dhe provat e mbledhura, hetuesit rajonalë kanë identifikuar dhe arrestuar të dyshuarin L. F. (M/K), 30 vjeç.

Ai është shoqëruar në stacionin policor në Ferizaj dhe pas intervistimit nga hetuesit rajonalë, me vendim të prokurorit të rastit, është ndaluar për 48 orë për procedura të mëtejshme hetimore./Arbresh.info

LEXO EDHE:

Personi që u shpall i zhdukur nga policia gjendet i vdekur në malet e Ferizajt, arrestohet një i dyshuar për vrasjen e tij