Katër persona përleshen mes vete në Shtërpcë, intervistohen nga policia

08:30 | 6 Korrik 2025
E.H

Katër persona janë lënduar pasi dyshohet se në gjendje të dehur janë përfshirë në një përleshje në një lokal në Shtërpcë, raporton Policia e Kosovës.

Sipas policisë, të dyshuarit pas trajtimit mjekësor janë intervistuar në stacionin policor, shkruan Arbresh.info.

Të njëjtit më pas janë liruar në procedurë të rregullt.

“Shtërpcë / 05.07.2025 – 00:33. Katër të dyshuar m/k kanë pësuar lëndime trupore pasi në gjendje të dehur janë përfshirë në një përleshje midis disa personave në një lokal. Të dyshuarit pas trajtimit mjekësor janë intervistuar në stacion policor dhe pas inicimit të rastit me urdhër të prokurorit janë liruar në procedurë të rregullt”, thuhet në raportin 24 orësh të Policisë së Kosovës./Arbresh.info