Policia e Kosovës ka njoftuar për një operacion të suksesshëm ekstradimi, të realizuar mbrëmë në Aeroportin Ndërkombëtar të Prishtinës.

Sipas njoftimit zyrtar, i kërkuari ishte subjekt i një urdhërese të lëshuar nga organet e drejtësisë së Republikës së Kosovës për veprën penale “Vjedhja e rëndë”, për të cilën është dënuar me 1 vit e 6 muaj burgim.

“Mbrëmë, në Aeroportin Ndërkombëtar të Prishtinës, njësia për menaxhimin e urdhëresave – arrestimeve e Policisë së Kosovës, ka realizuar me sukses pranim-dorëzimin e shtetasit L.M., mashkull, 27 vjeç, i cili është ekstraduar nga shteti i Gjermanisë. I kërkuari ishte subjekt i një urdhërese të lëshuar nga organet e drejtësisë së Republikës së Kosovës për veprën penale “Vjedhja e rëndë” – i dënuar me 1 vit e 6 muaj burgim”, thuhet në njoftim.

Pas përfundimit të procedurave të nevojshme ligjore në aeroport, personi është shoqëruar dhe dorëzuar në Qendrën e Paraburgimit në Hajvali, ku do të vazhdojë vuajtjen e dënimit./Arbresh.info