Një person është arrestuar sot në Prishtinë pasi gjatë kontrollit në vendbanimin e tij, policia ka gjetur armë pa leje.

Lajmin për Arbresh.info e ka konfirmuar Flora Ahmeti, zëdhënëse e policisë për rajonin e Prishtinës.

Ahmeti tha se janë gjetur dhe sekuestruar një armë zjarri AK-47, -pesë karikatorë si dhe municion

“Hetuesit nga Njësiti i Hetimeve të Përgjithshme-Prishtinë, në koordinim me Prokurorinë Themelore, sot kanë ushtruar kontroll në një vendbanim në Prishtinë, ku kanë gjetur dhe sekuestruar: – një armë zjarri AK-47, -pesë karikatorë si dhe municion. Ndaj personit të dyshuar, janë kryer procedurat e nevojshme policore në koordinim me prokurorin e shtetit, dhe është hapur rast për veprën: – Mbajtje ne pronësi, kontroll ose posedimi paautorizuar i armëve. Personi i dyshuar me vendim të prokurorit është dërguar në mbajtje për 48 orë”, tha Ahmeti./Arbresh.info