Aksident në rrugën “Bill Clinton” në Prishtinë, lëndohet një këmbësore

13:02 | 18 Qershor 2025
E.K

Një grua ka mbetur e lënduar pasi është goditur nga një veturë në rrugën “Bill Clinton” në Prishtinë, të mërkurën paradite.

Zëdhënësja e Policisë për rajonin e Prishtinës, Flora Ahmeti, ka konfirmuar për Arbresh.info se aksidenti ka ndodhur rreth orës 11:20.

Ajo shtoi se me rastin është duke u marrë Njësia e Trafikut e Policisë së Kosovës në Prishtinë, ndërsa hetimet janë në vazhdim.

“Sot rreth orës 11:20 në rrugën ‘Bill Klinton” në Prishtinë, ka ndodhur një aksident trafiku ku është përfshirë një automjet dhe një këmbësore. Si pasojë e aksidentit është lënduar këmbësorja e cila menjëherë është dërguar për tretman mjekësor. Me rastin po merret njësiti i trafikut të kryeqytetit”, tha ajo./Arbresh.info