Rama për veriun: Demonstrimi i forcës ushtarake duhet t’i lë vend demonstrimit të forcës së arsyes

10:55 | 27 Shtator 2021

Aplikimi i reciprocitet është normë ndërkombëtare dhe marrëveshje e arritur nga dy palët andaj duhet të respektohet.

Kështu tha kryeministri i Shqipërisë, Edi Rama, duke shprehur shqetësimin për zhvillimet në veri të vendit.

“Demonstrimi i forcës ushtarake duhet t’i lë vend demonstrimit të forcës së arsye”, deklaroi Rama në një konferencë të përbashkët për medie me kryeministrin Albin Kurti, në Prishtinë.

Sipas Ramës, manovrat e bërë në kufirin e Kosovës nga serbët nuk mbrojnë qytetarët serbë, raporton arbresh.info.

“Sot jemi dëshmitar të manovrave të Serbisë në kufi. Ato manovra nuk mbrojnë qytetaret serbë në veriun e Kosovës ashtu siç pretendojnë disa fantazma të ushtrisë së mundur 20 vite më parë. Qytetarët serbë në Kosovë nuk kërcënohen nga askush këtu dhe si askund atyre ju paguhet dhe rryma dhe fatkeqësisht këto manovra të tyre nxisin reagime. Aplikimi i reciprocitet  është një normë ndërkombëtare dhe një marrëveshje  arritur me kohë mes dy palëve. E drejta këtu është me Kosovën dhe jo me Serbinë. Qeveria shqiptare e ndan bindjen se problemi duhet të zgjidhet në dialog”, tha Rama./arbresh.info/

Shpërndaje në rrjete sociale

Lajmet më të lexuara