Me rastin e 27 Prillit – Ditës Kombëtare për Persona të Zhdukur në Kosovë liderët shtetëror injoruan në tërësi përfaqësuesit e familjarëve të pagjeturve.

Fillimisht presidentja Vjosa Osmani, kryekuvendari Glauk Konjufca dhe kryeministri Albin Kurti kanë vendosur lule ndaras nga përfaqësuesit e të pagjeturve.

Edhe gjatë deklarimit para medieve, liderët përfunduan fjalimet e tyre, por pa një koordinim me përfaqësuesit e familjeve të pagjeturve.

27 Prilli është edhe përvjetori i masakrës së Mejës ku u vranë e zhdukën 376 shqiptarë.

Sipas Institutit për Hulumtimin e Krimeve të Luftës, në vitet 1998-99 forcat serbe me motive gjenocidale kanë vrarë e masakruar mëse 12 mijë civilë shqiptarë, ndërsa menjëherë pas luftës Kryqi i Kuq Ndërkombëtar evidenconte më shumë se 6.000 të zhdukur.

Aktualisht në Kosovë figurojnë rreth 1600 persona të zhdukur./arbresh.info/