Thaçi pas bisedës me Metën: Kosova dhe Shqipëria do të gjejnë rrugën e përbashkët për ringjalljen e ekonomisë

13:19 | 17 Prill 2020
Arbresh.info

Presidenti i Kosovës, Hashim Thaçi dhe ai i Shqipërisë, Ilir Meta kanë biseduar sot rreth luftës kundër pandemisë me Covid-19.

Thaçi ka shkruar se Kosova dhe Shqipëria do të gjejnë rrugën e përbashkët për ringjalljen e ekonomisë pas betejës me koronavirusin.

Në faqen e tij zyrtare facebook, Thaçi ka thënë se kishte një bisedë vëllazërore më Metën.

“Një bisedë vëllazërore për luftën kundër pandemisë sot kisha me Presidentin e Shqipërisë, Ilir Metën. Kosova dhe Shqipëria sikur që i janë gjendur gjithmonë pranë njëra-tjetrës, do ta gjejnë edhe pas kësaj beteje rrugën e përbashkët për ringjalljen e ekonomisë dhe sanimin e pasojave, duke u kujdesur për shëndetin publik të qytetarëve tanë”, ka shkruar Thaci.