Mbledhja e Qeverisë së Kosovës,  e cila ishte planifikuar të mbahej sot në orën 16:00, me shumë gjasë do të shtyhet për nesër.

Këtë e ka bërë të ditur zëvendëskryeministri i Kosovës, Haki Abazi, në një prononcim për arbresh.info

Por Abazi nuk e ka bërë të ditur arsyen se pse kjo mbledhje do të shtyhet.

Por në disa medie është raportuar se mospajtimet rreth taksës kanë bërë që të mos mbahet kjo mbledhje.

“Ende nuk e kemi vendosë përfundimisht por sipas të gjitha gjasave do të shtyhet për nesër. Nuk ka ndonjë arsye”, tha Abazi.

Nën drejtimin e kryeministrit Albin Kurti mbledhja e Qeverisë së Kosovës ishte e paraparë që të filloj sot rreth orës 16:00.

E Qeveria nuk i ka bërë publike as pikat e rendit të ditës që ishin planifikuar të shqyrtoheshin./arbresh.info/