Shala: Në veri nuk ka krizë humanitare, Serbia po inskenon

12:29 | 26 Qershor 2019
Arbresh.info

Krizën humanitare të paraqitur në mediet serbe për veriun e Kosovës, ministri i Tregtisë, Endrit Shala e ka quajtur të inskenuar nga Serbia.

Shala ka shtuar se nuk ka mungesë të asnjë produkti, pasi pikat kufitare janë të hapura, shkruan arbresh.info.

“Në asnjë pjesë të Kosovës nuk ka krizë humanitare, në të gjitha pikat kufitare të Kosovës janë të hapura dhe lejohet importi i produkteve. Nuk ka asnjë shqetësim për mungesë të këtyre produkteve”, ka thënë Shala.

Ndërsa ai ka thënë se këtë informatë e kanë pas shumë më herët.

“Ne kemi informata që Serbia përmes disa pikave shitëse të simulojnë një kinse krizë humanitare, ne si Qeveri e kemi pas informatën shumë ma herët dhe kemi ndërmarrë të gjitha masat”, ka shtuar ai./Arbresh.info/