I mllefosur me gjendjen e krijuar në Telekomin e Kosovës një prej punëtorëve të ndërmarrjes që ka marrë pjesë në protestën  sotme para ndërtesës së Kuvendit të Kosovës ka thënë se veprimet e Devollëve përfshinë të gjitha segmentet e jetës së qytetarëve të vendit.

Ai ka vazhduar duke i quajtur kriminel, pronarët e z-mobile, shkruan arbresh.info.

“Ky veprim i Devollëve është vazhdim i veprimeve në shkatërrimin e gjithë infrastrukturës së shtetit të Kosovës sepse Devollët nuk kanë vepruar vetëm ndaj PTK-së, veprimet e tyre kriminale janë të përfshira pothuajse në të gjitha segmentet e jetës shoqërore të Kosovës”, ka thënë ai.

Ai ka shtuar se në këtë formë do të falimentoj i gjithë shteti i Kosovës.

“Ju bëjë thirrje thirrje qeveritarëve që të mos lejojnë që krimi dhe kriminelët ta udhëheqin Kosovën sepse në një formë Kosova do të falimentoj edhe si shtet edhe si shoqëri”, ka shtuar ai.

Ai ka vazhduar se ligjërisht Qeveria e Kosovës mund të anuloj vendimin e Gjykatës së Arbitrazhit./arbresh.info/