Pas paralajmërimeve për protestë, kryeministri i Kosovës, Avdullah Hoti, sot është takuar me përpunuesit e qumështit.

Takimi mes kryeministrit Hoti dhe përpunuesve të qumështit ka nisur, raporton Arbresh.info.

Në takim po merr pjesë ministri i bujqësisë, Besian Mustafa dhe ministri i Industrisë dhe Tregtisë, Vesel Krasniqi.

Pas takimit do të mbahet një konferencë për medie.

Ndryshe, përpunuesit e qumështit kanë paralajmëruar protestën që pritet të mbahet sot, për shkak të pakënaqësive dhe injorimit të kërkesave të tyre për largimin e produkteve me vaj palme.

Në njoftimin e tyre, qumështarët e Kosovës thonë se do të parakalojnë me cisterna të qumështit nga parkingu i Pallatit të Rinisë, nëpër rrugën “Garibaldi”, përskaj Katedrales, te Mensa e Studentëve e deri tek objekti i Qeverisë së Kosovës.

/Arbresh.info/