“Mabetex Group” fillon punë edhe në Emiratet e Bashkuara Arabe

13:07 | 18 Janar 2023
Gita

Presidenti i “Mabetex Group”, Afrim Pacolli, së bashku me bashkëpunëtorët e tij, sot vizituan punishten më të re në Dubai të Emirateve të Bashkuara Arabe.

Gjatë inspektimit të punëve në këtë punishte, z. Pacolli deklarojë se viti 2023 ka filluar edhe me një treg të ri për “Mabetex Group”, një projekt i një rëndësie të veçantë, ku do të zbatohet kualiteti dhe standardet më të larta të ndërtimit.

Z. Pacolli falenderoi të gjithë bashkëpunëtorët e tij për përkushtimin dhe angazhimin e tyre që Mabetex-i të arrijë të zgjerojë aktivitetet e tij edhe në vende tjera.

Më pas, z. Pacolli vizitoi edhe zyrat e “Mabetex Group” në Emirate të Bashkuara Arabe, ku zhvilloi disa takime shumë të rëndësishme me zyrtarë shtetëror dhe partner./arbresh.info/