Në tregun e këmbimit valutor vendas, të mërkurën, leku forcoi pozitat pothuajse ndaj të gjitha valutave.

Sipas kursit zyrtar të Bankës së Shqipërisë, valutat kryesore euro dhe dollari amerikan u zhvlerësuan sot përkatësisht me 0.11 lekë dhe 0.43 lekë duke u këmbyer në kuotat: euro me 123.17 lekë dhe dollari amerikan me 110.80 lekë.

Aktorët e tregut shprehen se, forcimi i lekut është i pritshëm për arsye edhe të sezonit, i cili në fund të vitit sjell dominim të valutave në raport me lekut, si rezultat i fluksit të shtuar të shkëmbimeve tregtare dhe konsumit.

Banka e Shqipërisë llogarit dhe publikon kursin zyrtar të këmbimit. Ky kurs është një nivel referencë (i vetëm), i cili mund të përdoret nga të interesuarit për qëllime tregtuese, vlerësuese, krahasuese dhe statistikore.

Monedha kryesore Lekë për njësi të monedhës së huaj

Dollar amerikan USD 110.80 -0.43

Euro EUR 123.17 -0.11

Poundi Britanik GBP 142.80 -0.01

Franga Zvicerane CHF 111.75 +0.03