Njohësi i çështjeve ekonomike në vend, Mustafë Kadriaj ka thënë se pako për ndihma financiare për sektorin privat e ndarë nga Qeveria e Kosovës nuk është e dinjitetshme.

Ai këto i tha në konferencën e organizuar nga AKB, shkruan arbresh.info.

“Qeveria me pakot e saj për përkrahje në këtë fazë emergjente nuk ka dhenë përkrahje dinjitoze pasi si rezultat i pagave dhe tatimeve të këtyre bizneseve për 20 vite ka ndihmuar shtetin”, ka thënë ai.

Ai këtë pako e ka quajtur sociale.

“Qeveria ka vendos për disa përkrahje sociale sepse bizneset nuk kanë nevojë për pako sociale por infuzion ekonomik”, ka shtuar ai.

Edhe i pari i AKB-së, Agim Shahini ka kërkuar që brenda kësaj pako të ketë disa ndryshime si rritja e pagës së ndarë për sektorin privat.

Shahini ka kërkuar që të ketë thirrje të parave nga jashtë Kosovës./arbresh.info/