Dëmtohet gypi i ujit në Bresje, mbesin pa ujë të pijshëm një pjesë e banorëve të Fushë Kosovës

10:43 | 17 Mars 2020
Arbresh.info

Kompania Rajonale e Ujësjellësit “Prishtina” njofton se është dëmtuar gypi i ujit të pijshëm në fshatin Bresje.

Kompania thotë se nga ky dëmtim, pa ujë të pijshëm kanë mbetur një pjesë e banorëve të Fushë Kosovës.

“Ju njoftojmë se sot në orët e hershme të mëngjesit ka pëlcitë tubi i ujit me diametër fi 250 mm por kësaj radhe në Bresje të Fushë Kosovës. Ekipet teknike janë në teren me të gjitha kapacitetet e e nevojshme për punë dhe po merren me sanimin. Pa ujë të pijshëm janë objektet e banimit duke filluar nga rrethi i Fushë Kosovës e deri në Bresje (rruga për Pejë). Se sa do zgjatë sanimi, varet nga natyra e dëmtimit. Do ju mbajmë të informuar”, njofton KRU “Prishtina”.