Drejtori për Fqinjësi dhe Negociata për Zgjerim të KE-së, Christian Danielsson, gjatë takimin me kryeministrin, Ramush Haradinaj, thotë se  ka zhvilluar diskutime të përbashkëta për përkrahjen e Kosovës në rrugën drejt Bashkimit Evropian, në veçanti reformat në disa fusha, raporton arbresh.info.

“Reforma në ekonomi, sistemin e arsimit, administratë publike, menaxhimin  e financave publike dhe strategjisë për energji,” është shprehur Danielsson në një konferencë të përbashkët për medie me kryeministrin Haradinaj, pas takimit.

Të dy bashkë, sot kanë bërë lansimin zyrtar të Programit për Reforma Ekonomike.

 “Do të vazhdojmë përkrahjen me këshillim, dhe asistencë financiare. Nga 1999 2.5 miliardë euro janë zotuar për Kosovën në këtë drejtim, dhe ne po vazhdojmë me 100 milionë euro për çdo vit,” është shprehur Danielsson.

/arbresh.info/