Presidenti i Shqipërisë, Ilir Meta ka thënë se Dita Ndërkombëtare e Infermierëve, na kujton se mirënjohja, falenderimi dhe përkujdesja për heronjtë e ditëve tona nuk duhet të shprehet vetëm në një ditë.

Ai tutje përmes një postimi në facebook ka shkruar se shoqëria dhe institucionet shtetërore duhet të tregojnë kujdes maksimal për trajtimin dhe vlerësimin e merituar të infermierëve, të cilët siç thotë ai me përkushtimin e tyre  shkëlqyen në vijën e parë të përballjes me COVID-19.

Postimi i plotë:

Dita Ndërkombëtare e Infermierëve, na kujton sot se mirënjohja e thellë, falenderimi dhe përkujdesja për heronjtë e ditëve tona, nuk duhet të shprehet vetëm në një ditë.
Shoqëria jonë dhe institucionet shtetërore duhet të tregojnë kujdes maksimal për trajtimin dhe vlerësimin e merituar të infermierëve, të cilët me përkushtimin, profesionalizmin, sakrificat dhe dashurinë për jetën, shkëlqyen në vijën e parë të përballjes me COVID-19, duke rrezikuar jetën e tyre dhe të familjeve të tyre për të mbrojtur shëndetin e të gjithëve ne.
Krenar për ju dhe përherë mirënjohës! ??