Zjarr në një qendër tregtare në Irak, të paktën 50 të vdekur

08:37 | 17 Korrik 2025
Q L

Të paktën 50 persona humbën jetën dhe shumë tjerë u lënduan në një zjarr të madh në një hipermarket në qytetin Kut në Irakun lindor, raportoi agjencia shtetërore e lajmeve INA, duke cituar guvernatorin e provincës.

Videot në mediat sociale treguan flakë që përfshinë një ndërtesë pesëkatëshe në Kut gjatë natës, ku zjarrfikësit po përpiqeshin të kontrollonin zjarrin.

Guvernatori i provincës Wasjit, Mohammed al-Mayahi, tha se zjarri shpërtheu në një hipermarket dhe një restorant. Familjet po darkonin dhe po bënin pazar kur shpërtheu zjarri, tha ai.

Zjarrfikësit shpëtuan një numër njerëzish dhe shuan zjarrin, shtoi guvernatori.

Janë shpallur tre ditë zie dhe është nisur një hetim. Rezultatet e hetimit do të publikohen brenda 48 orëve.

“Një tragjedi dhe një fatkeqësi na ka ndodhur”, tha guvernatori.

“Kemi ngritur padi kundër pronarit të ndërtesës dhe qendrës tregtare”, citoi INA guvernatorin të thoshte.