Emri i Khameneit si udhëheqës i Iranit do të vazhdojë. Kështu tha të dielën një anëtar i Asamblesë së Ekspertëve të Iranit, organi i ngarkuar me zgjedhjen e udhëheqësit të ardhshëm suprem të Iranit, megjithëse një vendim përfundimtar nuk është njoftuar ende.

Në një video të transmetuar nga mediat iraniane, Hosseinali Eshkevari tha se “çështja e përcaktimit të udhëheqjes ka përfunduar”, shkruan CNN.

“Emri i Khameneit do të vazhdojë. Vota është hedhur dhe shpresoj se do të shpallet nga autoritetet. Nuk ka nevojë për shqetësim”, tha ai.

Komenti i Eshkevarit sugjeron që Mojtaba Khamenei, djali i dytë i Ajatollah Ali Khameneit të vrarë, do të shpallet udhëheqës suprem.

Khamenei, 56 vjeç, është një klerik i rangut të mesëm që nuk mban një rol zyrtar në regjim, por që dihet se ka lidhje të forta me trupat e Gardës Revolucionare Islamike (IRGC).

Presidenti i SHBA-së, Donald Trump, tha të enjten se emërimi i Khameneit si pasardhës i babait të tij do të ishte “i papranueshëm” për të./abcnews.al