Presidenti ukrainas, Volodymyr Zelensky, ka deklaruar se forcat ruse kanë pushtuar 20 për qind të territorit të vendit të tij.

Duke iu drejtuar ligjvënësve në Luksemburg, ai shtoi se fusha e betejës shtrihet për më shumë se një mijë kilometra, raporton BBC, transmeton portal arbresh.info

“Të gjitha trupat ruse të gatshme për të luftuar janë të përfshira në agresion”, tha Zelensky përmes video lidhjes. Fjalimi i tij erdhi në një kohë kur Rusia po shton sulmet në qytetin Severodonetsk në rajonin e Donbasit.

Fitorja në Donetsk të Veriut është vendimtare për Rusinë, sepse rënia e kryeqytetit të përkohshëm Luhansk do t’u jepte rusëve kontrollin mbi të gjithë rajonin e Donbasit. Nëse Rusia merr atë qytet dhe Lisichansk më të vogël, do të mbajë të gjithë Luhanskun, një nga dy zonat në Donbas që Moska pretendon në emër të separatistëve.

Pushtimi i të gjithë Luhanskut do të përmbushte një nga qëllimet kryesore të presidentit rus Vladimir Putin. Sipas guvernatorit rajonal të Luhansk, në Donetskun verior janë rreth 15 mijë njerëz./arbresh.info/