Presidenti ukrainas, Volodymyr Zelenskyy është në mesin e pesë personave të emëruar si marrës të çmimit “John F.Kennedy Profili i Guximtarit” për mbrojtjen e demokracisë.

Zelenskyy u zgjodh për shkak të mënyrës se si ai ka “marshalizuar shpirtin, patriotizmin dhe sakrificën e palodhur të popullit ukrainas në një luftë për jetë a vdekje për vendin e tyre”, ndërsa Rusia vazhdon luftën e saj mizore, tha Fondacioni i Bibliotekës Kennedy, transmeton portal arbresh.info

Fondacioni tha se katër zyrtarë amerikanë u zgjodhën pasi u ngritën për zgjedhje të lira dhe të ndershme, pasi sistemi është sfiduar në mënyra që nuk ka qenë kurrë më parë.

Caroline Kennedy dhe djali i saj, Jack Schlossberg, do t’i dorëzojnë çmimet më 22 maj në Bibliotekën Presidenciale John F. Kennedy në Boston.

Çmimi u krijua nga familja e presidentit të ndjerë për të nderuar figurat publike që rrezikojnë karrierën e tyre duke përqafuar pozicione jopopullore për të mirën më të madhe dhe është emëruar sipas librit të Kenedit, fitues i çmimit Pulitzer në vitin 1957, “Profile Guximtare”./AP/arbresh.info/