“Washington Post”: ShBA-ja ngrin të gjitha fondet për forcat e sigurisë të Autoritetit Palestinez

10:01 | 20 Shkurt 2025
E.K

Administrata e presidentit amerikan, Donald Trump, ka pezulluar të gjitha fondet për forcave të sigurisë të Autoritetit Palestinez si pjesë e një pezullimi më të gjerë të ndihmës ndërkombëtare, sipas zyrtarëve amerikanë dhe palestinezë.

Shtetet e Bashkuara kishin ndërprerë ndihmat direkte për Autoritetin Palestinez gjatë mandatit të parë të Trumpit në Shtëpinë e Bardhë, por vazhduan të mbështesin trajnimin dhe reformimin e forcave të sigurisë, sipas raportimeve nga gazeta “The Washington Post”.

Anwar Rajab, zëdhënës i forcave të sigurisë të Autoritetit Palestinez, i tha “The Washington Post” se Shtetet e Bashkuara ishin konsideruar si një “donator kryesor” për projektet e Autoritetit Palestinez, duke përfshirë trajnimin e forcave të sigurisë.