Një nënë e cila kishte vrarë të porsalindurit dhe futur në një frigorifer me ngrirje të thellë për 10 dhe 14 vjet është burgosur në Gjermani.

Steffi Schmidt është dënuar me nëntë vjet e gjysmë prapa grilave për krimet makabre, transmeton portali arbresh.info

Thuhet se njëra nga bebet ishte ende gjallë kur u fut në ngrirës.

Ajo tha para gjykatës në Halle: “Ajo çfarë kam bërë është serioze. Duhet të dënohem për këtë”.

E pandehura mbajti trupat e bebeve, sepse nuk mund të duronte faktin e ndarjes nga ta.

Policia bastisi shtëpinë e saj në fshatin e vogël të Benndorf në janar, pasi që partneri i saj i ri i alarmoi ata.

Në gjykatë u tha se e akuzuara fshehu shtatzëninë e saj nga bota në vitin 2004, dhe më pas lindi një vajzë të shëndetshme në banjë.

Ajo menjëherë e futi atë në një qese plastike dhe e futi në ngrirës.

Sipas autopsisë foshnja ishte ende gjallë, por që vdiq nga hipotermia. Katër viteve me vonë ajo lindi një djalë të cilin gjithashtu e vrau pas lindjes.

Prokuroria e këtij rasti kishte kërkuar një dënim 10-vjeçar për gruan, ndërsa mbrojtja kërkoi gjashtë vite./Arbresh.info/