Një konduktor i trenit gjeti vdekjen në Rheinland-Pfalz, Gjermani, pasi që u sulmua nga një pasagjer, i cili nuk kishte biletë.

Lidhur me këtë ngjarje ka folur avokati Ardian Shabani, i cili tha se përveç informacioneve të konfirmuara nga shtypi, qarkullojnë edhe të dhëna të pakonfirmuara për rrethanat e sulmit dhe për personat që mund të kenë qenë të përfshirë.

“I kemi disa informacione të konfirmuara nga shtypi dhe disa të pakonfirmuara. Informacioni i pakonfirmuar është se sulmuesi nuk ka qenë vetëm, por të paktën në shoqërimin e pesë personave të tjerë. Këta nuk kanë ndërhyrë direkt në sulm, por kanë bërë mbrojtjen e autorit nga udhëtarët, pra e kanë siguruar autorin që, përgjatë veprës së vet, të mos sulmohet nga dikush tjetër. Por këto janë informacione të pakonfirmuara, i kam dëgjuar nga njerëz që kanë pasur njohuri me persona që kanë qenë në tren atë ditë”, tha Shabani ndër të tjera.