Yulia Skripal e cila është helmuar së bashku me babain e saj në Salisbury muajin e shkuar ka refuzuar ofertën për ndihmë nga Ambasada e Rusisë.

“Nuk dua të përfitoj nga shërbimet e tyre”, tha ajo, transmeton portali arbresh.info.

Ajo shtoi më tej: “E gjej veten në një jetë tërësisht të ndryshme nga ajo e zakonshme që e lashë vetëm një muaj më parë dhe jam në kërkim të përshtatjes me perspektivat e mia, ndërsa ende e marr veten nga ky sulm ndaj meje”.

Babai i saj, Sergei Skripal, tha ajo, vazhdon të jetë “i sëmurë rëndë”, duke shtuar se ai është në kujdesin e Spitalit të Qarkut Salisbury.

Duke lavdëruar stafin spitalor për mirësinë e tyre dhe ekspertizën e qartë klinike, 33-vjeçarja tha se ajo ishte ende duke vuajtur efektet e agjentit nervor të përdorur kundër tyre./Arbresh.info/