Antitrupat të antraksit që janë gjetur në gjakun e një ushtari që ka dezertuar nga Koreja Veriore, duke ngritur kështu frikën se regjimi i Kim Jong-un është duke e rritur prodhimin e armëve kimike dhe bilogjike.

Të paktën katër ushtarë koreano-veriorë që janë larguar nga regjimi i Kim Jong-un gjatë shtatë muajve të fundit, kanë bërë të njohur për autoritetet koreano jugore se ata ishin vaksionuar kundër baktereve potencialisht vdekjeprurëse, shkruan “Daily Express”, transmeton portali arbresh.info

Kjo vjen vetëm disa ditë pasi zyrtarët e mbrojtjes në Uashington theksuan se Veriu është duke “shpenzuar qindra miliona dollarë” në arsenalin bërthamor, biologjik dhe kimik.

Një zyrtar i inteligjencës tha për “Channel A” se “antitrupat e antraksit janë gjetur në gjakun e një ushtari të dezertuar të Koresë Veriore”, ndërsa një analist i lartë i mbrojtjes, Shin Jong Woo, nga Forumi i Mbrojtjes së Mbrojtjes së Koresë, ka theksuar se “vaksina do t’u jepej ushtarëve që merren me bakteret për qëllime ushtarake”.

Ekspertët besojnë se Koreja Veriore ka një nga rezervat më të mëdha të armëve kimike dhe biologjike në botë.

Në arsenalin e regjimit të Kim Jong-un besohet se ka edhe armë të ndaluara kimike, sikurse është gazi sarin./arbresh.info/