Ushtarët amerikanë që nuk duan të vaksinohen kundër koronavirusit do të pushohen nga puna, ka njoftuar Komanda e Ushtrisë.

Vendimi i referohet ushtarëve, rezervistëve dhe kadetëve, përpos atyre që kanë vërtetim mjekësor të lirimit nga vaksinimi, thuhet në njoftim, transmeton portal arbresh.info

Pentagoni prezantoi vaksinimin e detyrueshëm për të gjithë anëtarët aktivë të ushtrisë në gusht të vitit të kaluar, shkruan Fox News.

Shumica e ushtarëve kanë marrë të paktën një dozë të vaksinës dhe 79 prej tyre kanë humbur jetën si pasojë e koronavirusit.

Gatishmëria luftarake varet nga ushtarët që mund të praktikojnë, udhëtojnë, luftojnë dhe fitojnë luftëra, dhe ushtarët e pavaksinuar janë një rrezik për ushtrinë dhe rrezikojnë gatishmërinë luftarake, tha zyrtari i lartë ushtarak Kristin Wormouth.

Degët e tjera të ushtrisë, përfshirë forcat ajrore, tashmë kanë filluar të pushojnë ushtarët që kanë refuzuar të vaksinohen./arbresh.info/