Syri i uraganit Ian ka goditur brigjet e Floridës dhe Shërbimi Kombëtar i Motit ka përsëritur paralajmërimin e tij për erëra ekstremisht të forta, deri në 185 kmh.

Banorëve të zonave të prekura nga Uragani u janë bërë thirrje të vazhdueshme të gjejnë strehim “menjëherë”.

Në një përditësim në faqen e internetit të Përgatitjes Emergjente dhe Sigurisë Kombëtare të Jacksonville të mërkurën, thonë se ata që kanë përjetuar përmbytjet, të evakuohen.

“Rekomandohet që ata që jetojnë në zonat A ose B dhe kanë përjetuar përmbytje gjatë stuhive të mëparshme të konsiderojnë evakuimin. Disa shkolla dhe universitete janë mbyllur gjatë gjithë javës, si dhe zyrat e qytetit dhe degët e bibliotekave, thuhet në deklaratë.

Të martën, kryetari i bashkisë së Jacksonville, Lenny Curry, lëshoi ​​një gjendje të jashtëzakonshme për qytetin, e cila hyri në fuqi të mërkurën në orën 12:00 me orën lokale.

Jacksonville është në cepin verilindor të Floridës./euronews.al/