Udhëheqësit e Bashkimit Evropian do të diskutojnë idenë e krijimit të rezervave strategjike të gazit në BE dhe ndarjen e çmimeve të energjisë elektrike nga çmimet e gazit në fund të tetorit, tha sot Presidentja e Komisionit Evropian Ursula von der Layen transmeton arbresh.info.

Duke folur me gazetarët në Estoni, von der Leyen tha se rritja e çmimeve të energjisë elektrike për konsumatorët evropianë është kryesisht rezultat i një rritje të konsiderueshme të çmimeve të gazit sepse kërkesa globale po rritet dhe furnizuesit kryesorë evropianë, si Rusia, nuk po rrisin furnizimin, raporton Reuters.

“Sa i përket gazit, ne jemi shumë të varur nga importet – 90 përqind e gazit importohet. Ekonomia globale po rritet, po ashtu edhe kërkesa, por furnizimi nuk po rritet në përputhje me rrethanat. Ne jemi shumë mirënjohës që Norvegjia po rrit prodhimin, por duket se nuk është kështu në Rusi,” tha von der Layen./arbresh.info/