U paraqitën si avokatë në sallën e gjyqit në Indi – dy burra vrasin gangsterin famëkeq në Delhi

16:42 | 24 Shtator 2021
arbresh.info

Dy burra të cilët u paraqitën si avokatë qëlluan për vdekje një gangster famëkeq brenda një salle gjyqi në kryeqytetin e Indisë, Delhi.

Sipas BBC, përcjell Telegrafi, ata hapën zjarr ndaj Jitender Maan Gogi brenda sallës së gjyqit në Rohini, ku po mbahej një seancë kundër tij.

Zyrtarët thonë se policia reagoi menjëherë duke vrarë të dy burrat që u paraqitën si avokatë. Policia dyshon se një bandë rivale kishte planifikuar sulmin.

Gogi ishte në listën më të kërkuar të policisë në Delhi dhe ishte i akuzuar në disa raste – përfshirë vrasje, rrëmbim dhe mashtrim – në shtete të tjera.

Incidenti ka ngritur pyetje mbi sigurinë e gjykatave në Delhi. Një politikan i lartë tha se incidenti tregoi një gabim serioz në planifikimin e sigurisë.

Gogi u arrestua në Delhi në mars të vitit të kaluar me akuzën për vrasje dhe vjedhje.