Turqia dhe Katari kanë nënshkruar 15 marrëveshje të reja të tregtisë dhe të bashkëpunimit në sektorin e ushqimit, ndërtimit dhe industrisë farmaceutike.

Drejtori i përgjithëm i Dhomës së Tregtisë së Katarit, Saleh Hamad al-Sharqi, tha se marrëveshjet tregtare të cilat u miratuan në parim në fillim të gushtit kanë hyrë në fuqi edhe zyrtarisht, shkruajnë mediat turke, transmeton portali arbresh.info

Përveç sektorëve të ushqimit dhe ndërtimit, gjithashtu u nënshkruan marrëveshjet në transport, logjistikë dhe industrinë e plastikës, tha al-Sharqi.

Eksportet e Turqisë në Katar arritën në 52.4 milionë dollarë në qershor në të këtij viti, ndërsa importet e Turqisë nga Katari kanë arritur shifrat me rreth 23.7 milionë dollarë.

Eksportet turke në Katar u rritën 51% në gusht të vitit 2017.

Që nga 5 qershori Katari i është nënshtruar një bllokade nga vendet arabe, duke përfshirë Arabinë Saudite, Emiratet e Bashkuara Arabe, Egjiptin, Bahrein dhe Jemenin.

Turqia ka dërguar më shumë 220 aeroplanë me mallra të artikujve të ndryshëm për t’i dalë në ndihmë vendit./Arbresh.info