Një gjykatë turke ka dënuar me burg 25 gazetarë me akuzat për lidhje të dyshuara me grupin të cilin qeveria e fajëson për përpjekjen e dështuar të grusht shtetit në korrik të vitit 2016.

Njëzet e tre prej tyre janë dënuar për anëtarësim në një organizatë terroriste të armatosur dhe janë dënuar me shtatë vjet e gjysmë burg, transmeton portali arbresh.info

Dy janë dënuar me akuza më të vogëla.

Sipas autoriteteve turke, ata kanë punuar për grupin e klerikut mysliman, Fetullah Gulen, të cilin Ankaraja e fajëson për grusht shtetin e dështuar, akuzë të cilën ai e ka mohuar gjithnjë.

Më shumë se 50 mijë njerëz janë arretuar dhe rreth 150 mijë janë shkarkuar ose janë pezulluar nga puna e tyre pas përpjekjes për grusht shtet.

Policia, personeli ushtarak, mësuesit dhe shërbyesit publikë ishin midis atyre që u vërsulën në shtypje.

Shumica e gazetarëve të dënuar kanë punuar për gazetën e shquar “Zaman”./arbresh.info/