Trump premton të luftojë emigracionin e paligjshëm

15:25 | 9 Qershor 2025
A Z

Los Angelos është përfshirë nga protesta të dhunshme, ndërsa dhjetëra persona janë arrestuar. Trump mori vendimin për të vendosur 2 mijë trupa të Gardës Kombëtare në rrugët e Los Angelos dhe kjo nxiti një përshkallëzim të situatës. Protestat vijojnë kundër vendimit të emigracionit. Ndërkohë Trump është shprehur i vendosur se nuk do të heqë dorë nga lufta kundër emigracionit të paligjshëm.

Një nga veprimet e tij të para në mandatin e tij të dytë ishte pezullimi i hyrjes së të gjithë emigrantëve pa dokumente.

Agjentëve të patrullave kufitare janë njoftuar të kthejnë emigrantët pas, pa u dhënë atyre mundësi për seanca dëgjimore për azil.

Muajin e kaluar, qeveria amerikane u ofroi gjithashtu emigrantëve që ndodheshin ilegalisht në vend një pagesë prej 1,000 dollarësh dhe udhëtim të paguar nëse ata “vetë-deportoheshin” dhe zgjidhnin të largoheshin./abcnews.al/