Presidenti amerikan, Donald Trump, ka marrë meritat për zbutjen e tensioneve diplomatike mes Koresë Jugore dhe asaj veriore, duke deklaruar se qëndrimi i tij “i fortë dhe i palëkundur” ka mundësuar bisedimet.

Qeveritë në Seul dhe Phenian kanë qenë teknikisht në luftë për gati 70 vjet, që nga përfundimi i konfliktit të Koresë që ndau gadishullin, transmeton portali arbresh.info

Megjithatë, Pheniani dhe Sueli për herë të parë në dy vite kanë shkëmbyer një bisedë telefonike.

Fillimi i bisedimeve mes dy vendeve ndjek mesazhin e Vitit të Ri të Kim Jong-un, i cili tha se të dy vendet duhet të “ulin tensionet ushtarake në Gadishullin Korean për të krijuar një ambient paqësor”.

Trump, i cili hapur ka fyer Kim Jong-un dhe ka sugjeruar se Koreja Veriore duhet të përballet me “zjarr dhe tërbim”, përmes një postimi në Twitter tha se qëndrimi i tij i “fortë dhe i palëkundur” ka mundësuar dialogun.

Vitin e kaluar, Pheniani dhe SHBA-të kanë përjetuar një krizë të madhe tensionesh mes dy vendeve për shkak të testimeve të raketave balistike./arbresh.info/