Presidenti i SHBA-ve, Donald Trump ka pyetur nëse bisedimet e paqes me Izraelin do të rifillojnë, duke fajësuar palestinezët.

Trump tha se palestinezët  nuk kishin “respektuar” SHBA-të pas vendimit të tij të diskutueshëm për të njohur Jerusalemin si kryeqytetin e Izraelit, transmeton portali arbresh.info

“Respekti duhet t’i tregohet SHBA-ve,  ose nuk vazhdohet më tutje”, tha ai para gazetarëve në Davos.

Palestinezët thonë se SHBA-të nuk mund të konsiderohen më as si ndërmjetësues neutral.

Presidenti Mahmoud Abbas e ka quajtur deklaratën e Trump për njohjen e Jerusalemit si “shuplakë të shekullit”.

Ulur së bashku me kryeministrin izraelit Benjamin Netanjahu në Forumin Ekonomik Botëror në Davos, Trump qëndroi me vendimin e tij për të njohur Jerusalemin si kryeqytetin e Izraelit.

“Izraeli gjithmonë ka mbështetur Shtetet e Bashkuara, kështuqë ajo që bëra me Jersualemin ishte nderi im”, tha ai./arbresh.info/