Trump e quan raportin e CIA-s për ndërhyrjen e Rusisë në zgjedhje ‘qesharak’

15:44 | 11 Dhjetor 2016
Trina Galanxhi

Presidenti i zgjedhur Donald Trump ka thënë se ‘nuk beson’ në raportin e CIA-s që erdhi në përfundim se hakerët rusë janë përpjekur të ndikojnë në zgjedhjet amerikane në favor të tij.

Në një intervistë për Fox News, ai i ka fajësuar demokratët për raportin ‘qesharak’ të CIA-s, transmeton arbresh.info.

Zyrtarët rusë në mënyrë të përsëritur kanë mohuar akuzat.

Ndërsa, zyrtarët e lartë republikanë janë bashkuar me demokratët dhe kanë kërkuar një hetim të plotë mbi raportin e CIA-s.

Senatori republikan John McCain, kryetar i Komitetit të Shërbimeve të Armatosura të Senatit, në një deklaratë të përbashkët me senatorin e lartë demokrat Chuck Schumer kanë kërkuar hetim të raportit dhe kanë theksuar ‘se një raport i tillë duhet të ngre në këmbë çdo amerikan’./Arbresh.info