Presidenti i Kinës, Xi Jinping dhe homologu i tij, Donald Trump përmes një bisede telefonike kanë biseduar rreth pandemisë së koronavirusit.

Biseda mes liderëve erdhi pasi numri i rasteve me Covid-19 në SHBA u rrit ndjeshëm, duke lënë pas edhe Kinën dhe duke e bërë SHBA-në vendin më të prekur nga koronavirusi në botë, transmeton portal arbresh.info

Në një cicërimë, Trump e cilësoi bisedën telefonike “shumë të mirë”, ndërsa përcolli respektin e tij për betejën e Kinës kundër Covid-19 dhe duke pretenduar se të dy palët “po punojnë ngushtë së bashku”.

“Sapo mbarova një bidesë shumë të mirë me Presidentin e Kinës, Xi Jinping. Diksutuam në detaje për Covid-19, që është duke shkatërruar pjesë të mëdha të planetit tonë. Kina ka kaluar shumë dhe ka zhvilluar një kuptim të fortë të Virusit. Ne po punojmë ngushtë së bashku. Shumë respekt! ” tha presidenti amerikan, transmeton portal arbresh.info

Sipas Agjencisë shtetërore të lajmeve Xinhua, Xi tha që Kina po ndante informacione mbi Covid-19 “në një mënyrë të hapur, transparente dhe të përgjegjshme”.

Koronavirusi: SHBA kapërcen Kinën me numrin e rasteve me koronavirus

Ai tha se Pekini po ndante gjithashtu përvojën e tij për parandalimin, kontrollimin dhe trajtimin, dhe po siguronte mbështetje dhe ndihmë për të gjitha vendet në nevojë.

Xi tha që Kina ishte e angazhuar të punojë me bashkësinë ndërkombëtare për të kapërcyer pandeminë.

Ministria e Jashtme kineze nuk ka dhënë detaje mbi bidesën mes dy liderëve.

Ky ishte kontakti i parë i drejtpërdrejtë midis udhëheqësve të dy ekonomive kryesore të botës që nga përshkallëzimi i tensioneve për origjinën e pandemisë koronavirus.

Në atë që Kina ka dënuar si sulme “stigmatizuese” dhe “raciste”, Trump kohët e fundit i ishte referuar koronavirusit si “virusi kinez”.

Lufta e fjalëve midis zyrtarëve amerikanë dhe kinezë e rriti ritmin pasi një diplomat i lartë kinez sugjeroi që ushtria amerikane mund të ketë qenë përgjegjëse për shpërthimin global.

Të dhënat tregojnë se më shumë se 532.700 raste janë raportuar në të gjithë botën që nga dhjetori i kaluar, me numrin e vdekjeve mbi 24,000 dhe mbi 122.600 rikuperime./arbresh.info/