Autoritetet amerikane thonë se kanë humbur shpresat për të gjetur të mbijetuar pas tragjedisë ajrore në Uashington DC, ku një avion me 64 persona në bord u përplas me një helikopter të ushtrisë me tre ushtarakë në bord dhe më pas ranë në lumë.

Shefi i Zjarrfikësve të DC John Donnelly u shpreh në një deklaratë për shtyp: “Ne nuk besojmë se ka ndonjë të mbijetuar nga ky aksident”, duke shtuar se janë nxjerrë 27 trupa nga avioni dhe helikopteri.

Avioni i American Airlines mbante 60 pasagjerë dhe katër anëtarë të ekuipazhit kur u përplas me një helikopter Black Hawk teksa po i afrohej Aeroportit Kombëtar Ronald Reagan. Sekretari i Transportit, Sean Duffy deklaroi se avioni ishte copëtuar në tre pesë në lumë.

Duke folur për gazetarët, Duffy u pyet nëse ishte dakord me komentet e Donald Trump se përplasja mund të ishte parandaluar:

“Ne do të presim që të gjitha informacionet të vijnë nga kjo pikë e favorshme, por për të mbështetur atë që tha presidenti dhe atë që kam parë deri më tani, a mendoj se kjo ishte e parandalueshme? Absolutisht.”/abcnews.al