Një traget pasagjerësh është përplasur me një vinç gjatë kohës së motit të ligë në portin e Barcelonës, duke shkaktuar zjarr që ka aktivizuar një alarm për kimikate të rrezikshme, njoftojnë autoritetet në qytetin verilindor.

Zëdhënësi i qytetit të Barcelonës tha se askush nuk është lënduar në këtë aksident dhe zjarrfikësit e qytetit thanë se zjarri ishte shuar disa orë pasi u përplas anija, transmeton portali arbresh.info.

Zëdhënësja, e cila nuk ishte e autorizuar të identifikohej me emër në raportet e medias, tha se një duzinë automjetesh zjarrfikëse dhe disa ambulanca ishin dërguar në port.

Ajo tha se flaka që vjen nga katër kontejnerë që ra nga anija ishin trajtuar me shkumë, sepse disa prej tyre përmbanin kimikate të rrezikshme.

Departamenti i mbrojtjes civile gjithashtu aktivizoi një alarm për ndotjen e mundshme të detit.

Grandi Navi Veloci, kompania italiane që zotëron tragetin, tha në një deklaratë se erërat e forta dhe rrymat e detit penguan anijen që të dilte dhe përfundimisht e shtynë atë në drejtim të vinçit të portit.

Trageti, i cili ishte 200 metra i gjatë, mbante pasagjerë dhe automjete, tha GNV, duke shtuar se askush nuk u plagos./Arbresh.info/

https://www.youtube.com/watch?v=mB9gZI3YIwM