Interpol ka dërguar një ekip hetuesish në Moldavi për shqetësimet e ngritura rreth trafikimit të qenieve njerëzore.

Numri më i madh i refugjatëve nga Ukrainë ka mbërritur në Moldavi, transmeton portal arbresh.info

Interpoli ka marrë disa raporte që sugjerojnë se trafikimi i refugjatëve ukrainas po ndodh në vend, raporton BBC.

Që nga fillimi i pushtimit rus të Ukrainës, rreth 380,000 ukrainas kanë ikur në Moldavinë fqinje, një vend me 2.6 milionë banorë dhe një nga vendet më të varfëra të Europës.

Hetuesit e Interpolit janë dërguar në kryeqytetin Kishinau dhe në disa kampe refugjatësh, sipas një deklarate nga Interpoli.

Agjencia ndërkombëtare e policisë ka marrë disa raporte të trafikantëve dhe kontrabandistëve të njerëzve që ndjekin ukrainasit vulnerabël, thuhet në deklaratë.

“Fëmijët dhe të miturit e pashoqëruar janë grupe veçanërisht të cenueshme nga kontrabandistët dhe trafikantët”, thuhet në deklaratë./arbresh.info/